हरभऱ्याला फायदेशीर पर्याय: राजमा लागवडीतून निश्चित उत्पन्न; वन्यप्राण्यांपासूनही सुटका

विशेष प्रतिनिधी, बीड:

रब्बी हंगामात पारंपरिक पिकांच्या चक्रात अडकलेल्या आणि वन्यप्राण्यांच्या त्रासाने हैराण झालेल्या शेतकऱ्यांसाठी एक आशेचा किरण दिसू लागला आहे. हरभरा आणि गहू यांसारख्या पिकांना एक उत्तम पर्याय म्हणून ‘राजमा’ लागवडीकडे पाहिलं जात आहे. कमी कालावधी, कमी खर्च आणि वन्यप्राण्यांपासून नैसर्गिक संरक्षण ही या पिकाची प्रमुख वैशिष्ट्ये असून, यातून शेतकऱ्यांना खात्रीशीर उत्पन्न मिळू शकते, असा विश्वास बियाणे विक्रेते आणि कृषी अभ्यासक विष्णू तांदळे यांनी व्यक्त केला आहे.

ADS किंमत पहा ×

वन्यप्राण्यांच्या त्रासावर रामबाण उपाय

अनेक भागांतील शेतकरी रानडुक्कर, हरीण आणि नीलगाय यांच्या उपद्रवाने त्रस्त आहेत. रात्रीची पिकांची राखण करूनही मोठे नुकसान होते. अशा शेतकऱ्यांसाठी राजमा लागवड वरदान ठरू शकते. या पिकाला वन्यप्राणी तोंडही लावत नाहीत, त्यामुळे पिकाच्या संरक्षणाची चिंता मिटते. या एकाच कारणामुळे अनेक शेतकरी राजमा लागवडीकडे आकर्षित होत आहेत.