पीएम-किसान योजनेच्या हप्त्याची प्रतीक्षा वाढली; बिहार निवडणुकीमुळे विलंब, 'या' तारखेला पैसे जमा होण्याची शक्यता

१४ नोव्हेंबरनंतर प्रक्रिया सुरू होणार; लाभार्थ्यांची पडताळणी पूर्ण होऊन २५ नोव्हेंबरपर्यंत हप्ता जमा होण्याचा अंदाज.

ADS किंमत पहा ×

विशेष प्रतिनिधी, नवी दिल्ली:

प्रधानमंत्री किसान सन्मान निधी (PM-Kisan) योजनेच्या पुढील हप्त्याच्या प्रतीक्षेत असलेल्या देशभरातील कोट्यवधी शेतकऱ्यांसाठी एक महत्त्वाचे अपडेट समोर आले आहे. दिवाळीपूर्वी हप्ता जमा होण्याची शक्यता आता मावळली असून, बिहार विधानसभा निवडणुकीच्या आचारसंहितेमुळे या प्रक्रियेला विलंब होत असल्याचे स्पष्ट झाले आहे. मिळालेल्या माहितीनुसार, निवडणुकीची प्रक्रिया संपल्यानंतरच निधी वितरणाची कार्यवाही सुरू होणार असून, २५ नोव्हेंबरच्या आसपास शेतकऱ्यांच्या खात्यात पैसे जमा होण्याची दाट शक्यता आहे.