सोयाबीन ४८०० च्या दिशेने, पण उत्पादन खर्चाचे काय? शेतकऱ्यांची ५००० रुपयांची मागणी कायम!

राज्यातील बाजार समित्यांमध्ये सोयाबीनच्या दरात काहीशी सुधारणा दिसत असून, बाजारभावाने ४८०० रुपयांच्या दिशेने वाटचाल सुरू केली आहे. आज अकोला बाजार समितीत उच्च प्रतीच्या सोयाबीनला ४७७५ रुपये प्रति क्विंटलपर्यंतचा दर मिळाला, ज्यामुळे बाजारात तेजीचे वातावरण निर्माण झाले आहे. मात्र, हा दर केवळ अत्यल्प आणि निवडक मालाला मिळत असून, बहुतांश शेतकऱ्यांच्या पदरात पडणारा सर्वसाधारण दर अजूनही ४२०० ते ४४०० रुपयांच्या घरातच आहे.

ADS किंमत पहा ×

वाढलेला उत्पादन खर्च, महागडी बियाणे, खते आणि मजुरी पाहता, सध्या मिळणारा सर्वसाधारण दर शेतकऱ्यांना परवडणारा नाही. अनेक बाजार समित्यांमध्ये आजही किमान दर ३००० ते ३५०० रुपयांपर्यंत खाली येत असल्याने, शेतकऱ्यांच्या चिंतेत भर पडत आहे. जोपर्यंत सर्वसाधारण दर ५००० रुपयांचा महत्त्वाचा टप्पा ओलांडत नाही, तोपर्यंत सोयाबीन शेती फायद्याची ठरणार नाही, अशी स्पष्ट भूमिका शेतकऱ्यांनी घेतली आहे. त्यामुळे अनेक शेतकरी अजूनही चांगल्या दराच्या प्रतीक्षेत आहेत.