“शेतकऱ्यांची पीक कर्जमाफी पुढच्या अर्थसंकल्पात करणार”; उपमुख्यमंत्री अजित पवारांची मोठी घोषणा

आपल्या नेहमीच्या शैलीत संवाद साधताना अजित पवार यांनी त्यांच्या पहाटेच्या कामाच्या वेळेचा उल्लेख करत सध्याच्या राजकीय घडामोडींवरही अप्रत्यक्षपणे भाष्य केले. ते म्हणाले, “मी पूर्वी सकाळी ६ वाजता कामाला सुरुवात करायचो, पण आता थंडीमुळे ६ ला उजाडत नाही, म्हणून सव्वासहाला कामाला लागतो. त्यामुळे काही घटना घडल्या तरी मला लगेच माहिती मिळत नाही.”

राज्यात थंडीची तीव्र लाट, १५ दिवस मुक्काम; पंजाबराव डख यांचा अंदाज

रब्बी पीक विमा २०२५: आता घरी बसल्या मोबाईलवरून भरा अर्ज, CSC सेंटरचे पैसे वाचवा; जाणून घ्या संपूर्ण प्रक्रिया

ADS किंमत पहा ×

कर्जमाफीची घोषणा आणि अंमलबजावणी

शेतकऱ्यांच्या कर्जमाफीच्या मुद्द्यावर बोलताना अजित पवार यांनी स्पष्ट केले की, ही कर्जमाफी सरसकट असणार नाही. “सारखी सारखी कर्जमाफी करणे योग्य नाही, त्यावर टीका होते,” असे सांगत त्यांनी एका विशिष्ट वर्गातील शेतकऱ्यांना दिलासा देण्याचे संकेत दिले. ते म्हणाले, “मी तुम्हाला आज रहिमतपूरमध्ये सांगतो, मी अर्थसंकल्प मार्चला सादर करीन. पुढच्या वर्षीच्या अर्थसंकल्पामध्ये साधारण कुठल्यातरी घटकाला, शेतकऱ्यांना पीक कर्जाच्या कर्ता कर्जमाफी आम्ही देणार आहोत. तुम्ही काळजी करू नका.” त्यांनी ही कर्जमाफी ३० जूनपूर्वी लागू केली जाईल, असेही स्पष्ट केले.

ADS किंमत पहा ×

ऊस उत्पादकांना मोलाचा सल्ला

उपमुख्यमंत्री अजित पवार यांनी ऊस उत्पादक शेतकऱ्यांनाही महत्त्वाचा सल्ला दिला. ते म्हणाले, “शेतकऱ्यांनी आपला ऊस कोणत्याही एका कारखान्याला देण्याचे बंधन ठेवू नये. जो कारखाना जास्त भाव देईल, मग तो किसन वीर असो, खंडाळा, अजिंक्यतारा, सह्याद्री किंवा कृष्णा असो, त्याला ऊस घाला. कुठे ऊस घालायचा तिकडे घाला, पण पैसे मिळतील अशा ठिकाणी घाला.” काही कारखाने मागील वर्षाचे पैसेही देत नसल्याच्या तक्रारी येत असल्याचे सांगत, शेतकऱ्यांनी पैसे बुडवणाऱ्या कारखान्यांना ऊस घालू नये, असे आवाहनही त्यांनी केले.

यावेळी त्यांनी आपल्या अधिकारातील खात्यांचा उल्लेख करत शेतकऱ्यांना आश्वस्त केले. “अर्थ, नियोजन, कृषी, सहकार, मदत आणि पुनर्वसन ही सर्व खाती आमच्याकडे आहेत. त्यामुळे आम्ही शेतकऱ्यांना निश्चित मदत करू,” असे ते म्हणाले. या घोषणेमुळे राज्यातील कर्जबाजारी शेतकऱ्यांच्या आशा पल्लवित झाल्या आहेत.

ताज्या बातम्या

राज्यात थंडीची तीव्र लाट, १५ दिवस मुक्काम; पंजाबराव डख यांचा अंदाज

रब्बी पीक विमा २०२५: आता घरी बसल्या मोबाईलवरून भरा अर्ज, CSC सेंटरचे पैसे वाचवा; जाणून घ्या संपूर्ण प्रक्रिया

राज्यात थंडीची लाट, पारा ९ अंशांवर; ‘या’ जिल्ह्यांमध्ये कडाका आणखी वाढणार!

कांदा बाजारात दरांची दरी: पिंपळगावात भाव २७००, तर सोलापुरात शेतकऱ्यांच्या डोळ्यात पाणी!

कापूस दराची कोंडी कायम: भाव ७००० वर स्थिरावले, पण ८००० च्या दराची प्रतीक्षा!