केंद्र सरकार अतिवृष्टीबाधित शेतकऱ्यांना मदत कधी करणार?

महिनाभरानंतर ‘देखावा’, शेतकरी संतप्त

अतिवृष्टी आणि पूरस्थितीने खरीप हंगामाचे होत्याचे नव्हते केले. या पार्श्वभूमीवर, महिनाभरापूर्वी महाराष्ट्र दौऱ्यावर आलेल्या केंद्रीय गृहमंत्री अमित शहा यांनी राज्य सरकारने नुकसानीचे प्रस्ताव तातडीने पाठवावेत, पंतप्रधान नरेंद्र मोदींच्या माध्यमातून महाराष्ट्राला भरीव मदत केली जाईल, असे आश्वासन दिले होते. मात्र, हे आश्वासन हवेतच विरले असून, प्रत्यक्षात पाहणीसाठी पथक दाखल होण्यास तब्बल एक महिन्याचा कालावधी लागला आहे.

राज्यात थंडीची तीव्र लाट, १५ दिवस मुक्काम; पंजाबराव डख यांचा अंदाज

रब्बी पीक विमा २०२५: आता घरी बसल्या मोबाईलवरून भरा अर्ज, CSC सेंटरचे पैसे वाचवा; जाणून घ्या संपूर्ण प्रक्रिया

ADS किंमत पहा ×

मंगळवारी (४ नोव्हेंबर) उशिराने का होईना, नऊ सदस्यीय केंद्रीय पथक राज्यात दाखल झाले. मात्र, या पथकाच्या दौऱ्याची सुरुवातच शेतकऱ्यांच्या जखमेवर मीठ चोळणारी ठरली. सोलापूर जिल्ह्यातील मोहोळ तालुक्यात दिवसा नियोजित असलेला पाहणी दौरा पथकाने रात्रीच्या अंधारात उरकण्याचा प्रयत्न केला. जिल्हाधिकाऱ्यांच्या उपस्थितीत अधिकाऱ्यांनी टॉर्च आणि मोबाईलच्या प्रकाशात शेतातील नुकसानीची पाहणी केली. या विचित्र आणि संतापजनक प्रकारामुळे स्थानिक शेतकऱ्यांनी तीव्र शब्दात आपला रोष व्यक्त केला. “दिवसा डोळ्यांना जे नुकसान दिसत नाही, ते रात्री टॉर्चच्या प्रकाशात कसे दिसणार? हा पाहणीचा फार्स असून आमच्या दुःखाची चेष्टा थांबवा,” अशी संतप्त प्रतिक्रिया शेतकऱ्यांनी दिली.

ADS किंमत पहा ×

पाहणी पथकाचा दौरा की केवळ औपचारिकता?

केंद्रीय पथक विविध गटांमध्ये विभागून सोलापूर, वाशिम, नाशिक आणि मराठवाड्यातील अतिवृष्टीग्रस्त भागांचा पाहणी दौरा करणार आहे. हे पथक नुकसानीचा अहवाल केंद्र सरकारला सादर करेल आणि त्यानंतर मदतीचा निर्णय घेतला जाईल. मात्र, पाहणी दौऱ्याला झालेला विलंब आणि दौऱ्यातील औपचारिकता पाहता, शेतकऱ्यांच्या मनात सरकारच्या हेतूविषयीच शंका निर्माण झाली आहे.

शेतकऱ्यांची अवस्था बिकट, मदतीची प्रतीक्षा कधी संपणार?

एकीकडे प्रशासन पाहणीचा असा ‘फार्स’ रचत असताना, दुसरीकडे शेतकरी मात्र पूर्णपणे देशोधडीला लागला आहे. सोयाबीन, कापूस, मका यांसारखी पिके हातची गेली आहेत. खरीप हंगामातून उत्पादन मिळण्याची आशा मावळली असून, रब्बी हंगामावरही अनिश्चिततेचे सावट आहे. केंद्र सरकारने दिवाळीपूर्वी जाहीर केलेली १५०० कोटी रुपयांची मदत ही नुकसानीच्या तुलनेत अत्यंत तुटपुंजी आहे.

अशा परिस्थितीत, रात्रीच्या अंधारात टॉर्चच्या प्रकाशात केलेला हा पाहणी दौरा केंद्राला नेमका काय अहवाल देणार? आणि या ‘देखाव्या’नंतर तरी शेतकऱ्यांच्या पदरात भरीव मदत पडणार का, की त्यांना फक्त आश्वासनांवरच थांबावे लागणार, हे पाहणे महत्त्वाचे ठरेल. मात्र, सरकारच्या या दिरंगाईमुळे नुकसानग्रस्त शेतकऱ्यांची प्रतीक्षा आणि वेदना दिवसेंदिवस वाढतच चालल्या आहेत.

ताज्या बातम्या

राज्यात थंडीची तीव्र लाट, १५ दिवस मुक्काम; पंजाबराव डख यांचा अंदाज

रब्बी पीक विमा २०२५: आता घरी बसल्या मोबाईलवरून भरा अर्ज, CSC सेंटरचे पैसे वाचवा; जाणून घ्या संपूर्ण प्रक्रिया

राज्यात थंडीची लाट, पारा ९ अंशांवर; ‘या’ जिल्ह्यांमध्ये कडाका आणखी वाढणार!

“शेतकऱ्यांची पीक कर्जमाफी पुढच्या अर्थसंकल्पात करणार”; उपमुख्यमंत्री अजित पवारांची मोठी घोषणा

कांदा बाजारात दरांची दरी: पिंपळगावात भाव २७००, तर सोलापुरात शेतकऱ्यांच्या डोळ्यात पाणी!